In 1999 timmer ek beelde uit hout, giet brons en sweis staal vir 'n honneursgraad in Beeldende Kuns aan die Universiteit van Pretoria. Daarna werk ek vir agtien maande vir die beeldhoudosent, John McGill in Cambridge. Ek werkskaf ook vir die beeldhouer, Gerald Ogilverie Laing in Inverness, Skotland en by Kilmorack Gallery - 'n katedraal tussen die berge wat in die grootste kunsgalery in die Skotse Hoogland omskep is.

My eie beeldende kuns is 'n spel tussen natuur en bonatuur. 'n Jakkals ruik aan 'n vrou se hand: na wie aard ons? Wat is die verskuilde aard waarmee 'n lewende wese gebore word? Aartsbiskop Tutu staan op die strand met seevoëls wat agter hom migreer: waar aard ons, voel ons tuis? Die aarde as planeet verskyn in 'n aantal sirkelvormige skilderye, maar uiteindelik wens my kuns vir die terugkeer na Eden of die Nuwe Aarde. As die kind 'n pofadder onder 'n druiwetros vashou, is dit asof die vrede tussen dier en mens en God herstel.

uitstallings

• Allooi: skilderye vir Woordfees, Stellenbosch Kunsgalery, 2010.
• Met woord en kwas - die digter as skilder: skilderye by Versindaba, Oude Libertas Teater, Stellenbosch, 2009.
• Allooi: skilderye vir Eeufeessimposium van Akademie vir Wetenskap en Kuns en Volksblad Kunstefees, Bloemfontein, 2009.
• 47 Market Street Artspace, George, 2008.
• Aard, solouitstalling. Breytenbach Sentrum, Wellington, 2008.
  
• Sembach Art Gallery, Kaapstad, 2004.
• Sasol Nuwe Handtekeninge, Pretoria Kunsmuseum, 2003.
• PPC Beeldhouer uitstalling, Pretoria Kunsvereniging, 2003.
• Mind'sI Gallery, Pretoria, 2003.
• Chris Tugwell Gallery, Pretoria, 2002.
• African Window Gallery: FNB VITA Awards uitstalling, Pretoria, 1999.
• Kemptonpark-Thembisa uitstalling, 1999.
• Sandton Watercolour Society: wenner van Eggs for Africa, 1999.
• PPC Beeldhouer uitstalling, Pretoria Kunsvereniging, 1997.
• Kampusgalery, Universiteit van Pretoria, 1996-1998.

galery